വായനാ വാരം.....

പി.എന്‍.പണിക്കര്‍

     സെന്റ് ആന്റണീസില്‍ ഈ വര്‍ഷവും വായനാ വാരം സമുചിതമായി ആഘോഷിച്ചു. വായനാ ക്വിസ് മത്സരത്തില്‍ കുട്ടികള്‍ സജീവമായി പങ്കെടുക്കുകയും പി.എന്‍.പണിക്കര്‍ അനുസ്മരണം നടത്തുകയും ചെയ്തു. 
     'കുട്ടികളുടെ റേഡിയോ' വ്യത്യസ്തത പുലര്‍ത്തി. ഓഫീസില്‍ നിന്ന് എല്ലാ ക്ലാസുകളിലും എത്തുന്ന മൈക്ക് സെറ്റിന്റെ സഹായത്താലുള്ള വായനാ സംപ്രേക്ഷണമായിരുന്നു ഇത്. പ്രശസ്തരായ ഗ്രന്ഥകര്‍ത്താക്കളുടെ കൃതികളിലെ ചില ഭാഗങ്ങളാണ് വായനക്കായി തിരഞ്ഞെടുത്തത്. വായനയ്ക്ക് മരണം സംഭവിച്ചുകൊണ്ടിരിക്കുന്ന ഈ കാലത്ത് , 'നല്ല വായനയുടെ' പ്രാധാന്യവും പ്രസക്തിയും എടുത്തുകാണിക്കുന്നതായിരുന്നു ഈ അനുസ്മരണവും ആഘോഷവും.
     വായനാ വാരത്തോടനുബന്ധിച്ച് ഈരാറ്റുപേട്ട 'അക്ഷര വെളിച്ചം' സാംസ്ക്കാരിക സംഘടന സംഘടിപ്പിച്ച ക്വിസ് മത്സരത്തില്‍ സെന്റ് ആന്റണീസിലെ അബു ജോസ്-രോഹിത് രാജ്(പത്താം ക്ലാസ് വിദ്യാര്‍ഥികള്‍)സഖ്യത്തിന് രണ്ടാം സ്ഥാനവും ലഭിക്കുകയുണ്ടായി.

മെറിറ്റ് ഡേ 2011

മെറിറ്റ് ഡേ ഉദ്ഘാടനം P.C.ജോര്‍ജ്ജ്  MLA നിര്‍വ്വഹിക്കുന്നു. പ്രൊവിന്‍ഷ്യാള്‍ ഫാ.ജോസുകുട്ടി പടിഞ്ഞാറേപ്പീടിക  CMI,സ്കൂള്‍ മാനേജര്‍ ഫാ.ചാണ്ടി കിഴക്കയില്‍ CMI,പഞ്ചായത്ത് പ്രസിഡന്റ് എ.റ്റി.ജോര്‍ജ്ജ് അരീപ്ലാക്കല്‍ ,വാര്‍ഡ് മെമ്പര്‍ അനില്‍കുമാര്‍ മഞ്ഞപ്ലാക്കല്‍, PTA പ്രസിഡന്റ് മാത്യൂസ് മുതിരേന്തിക്കല്‍, പ്രിന്‍സിപ്പാള്‍ എ.ജെ.ജോസഫ്, ഹെഡ്മാസ്റ്റര്‍ റ്റി.എം.ജോസഫ് ,സ്കൂള്‍ ലീഡര്‍ അലന്‍ ആന്റണി എന്നിവര്‍ സമീപം.

കൂടുതല്‍ ചിത്രങ്ങള്‍ക്കായി ഇവിടെ ക്ലിക്ക് ചെയ്യുക

പരിസ്ഥിതി ദിനം ആചരിച്ചു...

വൃക്ഷത്തൈ വിതരണോത്ഘാടനം
ഫാ.ജെയിംസ് നീണ്ടൂശ്ശേരില്‍ ,
ഫാ. സണ്ണി ഫ്രാന്‍സീസ്
എന്നിവര്‍ ചേര്‍ന്ന് നിര്‍വ്വഹിക്കുന്നു.

     
     വ്യത്യസ്തങ്ങളായ പരിപാടികളോടെ ഈ വര്‍ഷത്തെ പരിസ്ഥിതി ദിനം ആഘോഷിച്ചു. പരിസ്ഥിതി ദിനമായ ജൂണ്‍ 5 ഞായറാഴ്ച്ച ആയിരുന്നതിനാല്‍ , തിങ്കള്‍ മുതല്‍ (ജൂണ്‍ 6)  വെള്ളി വരെ , ഒരാഴ്ച്ച  നീണ്ടുനിന്ന പരിസ്ഥിതി വാരാചരണമാണ്  സ്കൂളില്‍ നടന്നത്.

     
     

     പരിസ്ഥിതി ദിന സന്ദേശം , പോസ്റ്ററുകള്‍ , വൃക്ഷത്തൈ വിതരണം , വീഡിയോ പ്രദര്‍ശനം തുടങ്ങിയവ പരിപാടിയുടെ ഭാഗമായി നടന്നു.

കോര്‍പ്പറേറ്റ് മാനേജര്‍ ഫാ. ഫിലിപ്പ് നെച്ചിക്കാട്ടില്‍ സ്കൂള്‍ സന്ദര്‍ശിച്ചു..

   
      CMI കോട്ടയം സെന്റ് ജോസഫ്സ് പ്രൊവിന്‍സിന്റെ  കോര്‍പ്പറേറ്റ് മാനേജര്‍ ഫാ. ഫിലിപ്പ് നെച്ചിക്കാട്ടില്‍  CMI പൂഞ്ഞാര്‍ സെന്റ് ആന്റണീസ്  ഹയര്‍ സെക്കന്‍ഡറി  സ്കൂള്‍ സന്ദര്‍ശിച്ചു. ഔദ്യോഗിക  സന്ദര്‍ശനത്തിന്റെ ഭാഗമായി എത്തിയ അദ്ദേഹം , സ്കൂള്‍ പ്രവര്‍ത്തനങ്ങള്‍ വിലയിരുത്തുകയും  കൂടുതല്‍ മികവുറ്റ പാഠ്യ-പാഠ്യേതര പ്രവര്‍ത്തനങ്ങള്‍ നടപ്പിലാക്കുവാനുള്ള നിര്‍ദ്ദേശങ്ങള്‍ നല്‍കുകയും ചെയ്തു. 

ഫാ. ഫിലിപ്പ് നെച്ചിക്കാട്ടില്‍  CMI
(കോര്‍പ്പറേറ്റ് മാനേജര്‍ )

     അമനകര ചാവറ ഇന്റര്‍നാഷണല്‍ സ്കൂളിന്റെ പ്രിന്‍സിപ്പളായി സേവനം അനുഷ്ഠിച്ചു വരികയായിരുന്ന ഫാ. ഫിലിപ്പ് നെച്ചിക്കാട്ടില്‍ CMI , ഈ വര്‍ഷമാണ്  പ്രൊവിന്‍സിന്റെ  കോര്‍പ്പറേറ്റ് മാനേജറായി സ്ഥാനമേറ്റത്.

പ്രവേശനോത്സവം നടന്നു..

      പുതിയ സ്കൂള്‍ വര്‍ഷത്തെ  പ്രാര്‍ഥനാ നിര്‍ഭരമായ ചടങ്ങുകളോടെ എതിരേറ്റുകൊണ്ട്  പൂഞ്ഞാര്‍ സെന്റ് ആന്റണീസില്‍ പ്രവേശനോത്സവം നടന്നു. സ്കൂള്‍ മാനേജര്‍ ഫാ. ചാണ്ടി കിഴക്കേല്‍ CMI തിരി തെളിയിച്ച് ഉദ്ഘാടനം ചെയ്ത ചടങ്ങില്‍ , പ്രിന്‍സിപ്പാള്‍ എ. ജെ.ജോസഫ് , ഹെഡ്മാസ്റ്റര്‍ റ്റി.എം.ജോസഫ് , പി.റ്റി,എ. പ്രസിഡന്റ് മാത്യൂസ് മുതിരേന്തിക്കല്‍ , ഫാ.ജെയിംസ് നീണ്ടുശ്ശേരില്‍ തുടങ്ങിയവര്‍ സംസാരിച്ചു.